Zaqatala rayonunda yol-nəqliyyat hadisəsi baş verib.
Shimal.News xəbər verir ki, hadisə Yevlax–Zaqatala–Gürcüstanla sərhəd avtomobil yolunun rayon ərazisindən keçən hissəsində qeydə alınıb.
Yengiyan kənd sakini, 1987-ci il təvəllüdlü Dilqəm Məmmədovun idarə etdiyi "Opel Vectra" markalı avtomobillə Əliabad qəsəbə sakini, 1987-ci il təvəllüdlü Xəyalə Herovovanın idarə etdiyi "Volkswagen Passat" markalı avtomobil toqquşub.
Qəza nəticəsində hər iki sürücü müxtəlif dərəcəli bədən xəsarətləri alıb. Yaralılar Zaqatala Rayon Mərkəzi Xəstəxanasının Cərrahiyyə korpusuna yerləşdiriliblər.
Faktla bağlı araşdırma aparılır.
