Zaqatala rayonunun yüksək dağlıq ərazisində gənc oğlanın itkin düşdüyü bildirilir.
Lent.az-ın məlumatında görə, əslən Zəngilandan olan, Bakı şəhər sakini 24 yaşlı Ələsgər Əfrahim oğlu Hüseynli mayın 15-də Honzoqor yaylağı istiqamətinə yollanıb.
O, bu gün səhər saatlarında mobil telefon vasitəsilə atasına yolunu azdığını yazıb. Bundan sonra isə onunla əlaqə kəsilib.
Hadisə barədə polisə məlumat verilib. Hazırda Zaqatalanın dağlıq ərazisində gəncin axtarışları davam etdirilir.
