Zaqatalada 50 yaşlı kişi bədbəxt hadisə nəticəsində ölüb.
Teleqraf.az-ın məlumatına görə, rayonun Yuxarı Tala kənd sakini, 1976-cı il təvəllüdlü İlham Davudov sərxoş vəziyyətdə yaşadığı evdə ehtiyatsız davranışı nəticəsində ağır xəsarət alıb.
Belə ki, o, evin pəncərəsinə təpik vurub, nəticədə qırılan şüşə ayağının topuq nahiyəsini kəsib.
Hadisə zamanı yaranan güclü qanaxma səbəbindən onun vəziyyəti ağırlaşıb. Yaralı dərhal xəstəxanaya çatdırılsa da, həkimlərin səylərinə baxmayaraq, onun həyatını xilas etmək mümkün olmayıb.
Faktla bağlı araşdırma aparılır.
