Zaqatalada ölümlə nəticələnən yol qəzası baş verib.
Apa.az-ın məlumatına görə, hadisə Zaqatala-Muğanlı avtomobil yolunda, Aşağı Tala kəndi ərazisində qeydə alınıb. Hərəkətdə olan minik avtomobilləri toqquşub. Qəza zamanı bir nəfər aldığı ağır xəsarətlərdən hadisə yerində ölüb, bir neçə nəfər isə yaralanıb.
Hadisə yerinə rayon Polis Şöbəsinin əməkdaşları və xilasedicilər cəlb olunub.
