Zaqatalada təsərrüfat işi görən 54 yaşlı kişini ilan sancıb.
Shimal.News-un məlumatına görə, hadisə rayonun Mamrux kəndi ərazisində baş verib.
Kənd sakini, 54 yaşlı Aslan Şabanov təsərrüfat işləri apararkən ərazidə olan ilan qəfil onun sağ ayağının baldır nahiyəsindən sancıb.
Yaxınlarının köməkliyi ilə o, Zaqatala Rayon Mərkəzi Xəstəxanasının Cərrahiyyə korpusunun İkinci Təcili Tibbi Yardım şöbəsinə çatdırılıb.
Həkimlər tərəfindən Aslan Şabanova ilkin tibbi yardım göstərilib, ona ilan zəhəri əleyhinə zərdab vurulub.
Hazırda onun müalicəsi xəstəxanada davam etdirilir.
