Zaqatalada aramsız yağan leysan yağışları içməli su xətlərini sıradan çıxarmaqla yanaşı, elektrik enerjisinin verilməsində də fasilələrə səbəb olub. Artıq bir neçə gündür rayon mərkəzində və bir sıra kəndlərdə elektrik enerjisinin verilməsində problemlər yaşanır.
Məsələ ilə bağlı "Azərişıq"dan bildirilib ki, sel elektrik dirəklərini yararsız vəziyyətə salıb:
"Bir neçə kənddə elektrik enerjisinin verilməsində fasilələr yaranıb. Buna səbəb sel sularının elektrik dirəklərini sıradan çıxarmasıdır. Suyun səviyyəsi hələ də yüksək olduğundan problemli ərazilərə texnika və əməkdaşlarımızı cəlb edə bilmirik. Lakin vəziyyət nəzarətdə saxlanılır. Ola bilsin ki, problem bu gün axşam, yaxud sabah aradan qaldırılsın".
Mənbə: Lent.az
