Xızıda kişi avtomobilin altında qalaraq ölüb.
Apa.az-ın məlumatına görə, hadisə ötən gün səhər saatlarında baş verib.
Bildirilib ki, rayonun Altıağac qəsəbəsində 44 yaşlı Şahin Bayramov idarə etdiyi "Jeep" markalı avtomobili yoxuşlu yolda saxlayıb. O, avtomobilin arxa təkərinin altına daş qoymaq istəyən zaman nəqliyyat vasitəsi qəfil hərəkətə keçərək onun üzərindən keçib.
Nəticədə Şahin Bayramov hadisə yerində həyatını itirib.
Faktla bağlı araşdırma aparılır.
