Xudat şəhər N.Nərimanov adına 2 saylı tam orta məktəbin 8 "Ç" sinif şagirdi Fatimə Qoşqar qızı Zəkiyeva vəfat edib.
Shimal.News xəbər verir ki, Fatimə Zəkiyeva uzun müddət davam edən aplastik anemiya xəstəliyindən sonra Antalyada müalicə aldığı xəstəxanada dünyasını dəyişib.
Bununla bağlı məkəbin sosial media hesabında paylaşım edilib.
Bildirilib ki, Fatimə mehribanlığı, səmimiyyəti və gülər üzü ilə müəllim və şagirdlərin qəlbində xüsusi yer tutub. O, məktəb kollektivinin yaddaşında hər zaman işıqlı siması ilə xatırlanacaq.
Məktəb kollektivi mərhum şagirdin əziz xatirəsini dərin hüznlə yad edərək ailəsinə və doğmalarına səbr diləyib.
