Bu gün Xalq artisti Zülfiyyə Xanbabayevanın doğum günüdür.
Zülfiyyə Xanbabayeva 16 oktyabr 1967-ci ildə Bakı şəhərində, əsli Qubadan olan ailədə anadan olub.
O, 1985-ci ildə İncəsənət İnstitutunun "Teatr rejissoru" fakültəsinə daxil olub. Müğənni 1988-ci ildə "Bakı Payızı-88" müsabiqəsində iştirak edərək finala çıxıb. 1994-cü ildə Zülfiyyə Xanbabayeva Vaqif Gərayzadənin "Aypara" qrupunda çıxış etməyə başlayıb.
Onun müxtəlif illərdə "Gecə", "Sən gedən gündən", "Qəlbinə yol", "Sənsiz", "Dəniz", "Melanxoliya", "Oxu" musiqi albomları işıq üzü görüb. Müğənninin "Azərbaycan", "Ayrılığa dözərəm", "Xatırla məni", "Mənimsən" və s. səsləndirdiyi ifalar sevilərək dinlənilir.
Xalq artistimizi ad günü münasibətilə təbrik edir, ona uzun ömür və cansağlığı arzulayırıq!
