Xaçmaz rayonunun Xudat şəhərində baş verən yanğın nəticəsində talvar və taxta materialları yanıb.
Shimal.News xəbər verir ki, ümumi sahəsi 70 kvadratmetr olan talvarın yanar konstruksiyaları 50 kvadratmetr sahədə alova bürünüb. Bundan başqa, talvarın altında saxlanılan 3 kubmetr həcmində taxta materialı da yanaraq yararsız vəziyyətə düşüb.
Əraziyə cəlb olunan yanğından mühafizə bölmələrinin müdaxiləsi nəticəsində talvarın qalan hissəsi alovdan qorunub və yanğın söndürülüb.
Hadisənin başvermə səbəbləri araşdırılır.
