Xaçmazda zəncirvari yol-nəqliyyat hadisəsi baş verib.
AZƏRTAC-ın məlumatına görə, Xaçmaz-Quba yolunda qeydə alınan qəza zamanı BMW markalı minik avtomobili "VAZ 21010"la toqquşandan sonra təmir sexində duran "Priora"ya və ağaca çırpılıb.
Hadisə nəticəsində avtomobillərə ciddi ziyan dəysə də, xəsarət alan olmayıb.
Qəza yerinə hüquq-mühafizə orqanlarının əməkdaşları cəlb olunub, faktla bağlı araşdırma aparılır.
