Şəkidə vəzifəli şəxsə təpik atan şəhər sakini həbs olunub.
Qaynarinfo.az-ın məlumatına görə, 1964-cü il təvəllüdlü Y. Məmmədov barəsində İnzibati Xətalar Məcəlləsinin 157-ci maddəsi ilə protokol tərtib edilib və iş məhkəməyə göndərilib.
Y. Məmmədov qardaşına məxsus evin həyətində Daşınmaz Əmlakın Kadastrı və Reyestri Xidmətinin 12 saylı Şəki Ərazi İdarəsinin əməkdaşlarının ölçmə apardığını görüb.
O, həyətə icazəsiz daxil olduqlarını bildirərək əməkdaşlardan ərazini tərk etmələrini tələb edib. Lakin tələbi yerinə yetirilmədiyindən əsəbiləşən şəxs idarənin Böyük Yerquruluşu üzrə mühəndisi Əmrah Mustafazadəyə təpiklə zərbə endirib. Nəticədə mühəndis sağlamlığa zərər vurmayan xəsarət alıb.
Məhkəmənin qərarı ilə Y. Məmmədov təqsirli bilinib və 25 sutka inzibati qaydada həbs edilib.
