Oğuz rayonunda yol-nəqliyyat hadisəsi baş verib.
Shimal.News xəbər verir ki, hadisə gecə saatlarında Qaraməryəm–İsmayıllı–Şəki magistral yolunun rayon ərazisindən keçən hissəsində qeydə alınıb. Böyük Söyüdlü kənd sakini, 55 yaşlı Oybek İsrafiloviç Yunisovin idarə etdiyi "Mitsubishi" markalı avtomobil idarəetmədən çıxaraq yol kənarına aşıb.
Nəticədə sürücü və onun sərnişinləri – 50 yaşlı Atabek Mirzoyeviç Yunisov və onun qızı, 15 yaşlı Asmin Atabek qızı Yunisova müxtəlif dərəcəli xəsarətlər alıblar. Yaralılar Oğuz Rayon Mərkəzi Xəstəxanasına çatdırılıb və onlara tibbi yardım göstərilib.
Məlumata görə, qəza zamanı xəsarət alan şəxslər Bakı şəhərindən toydan qayıdırmış.
Faktla bağlı araşdırma aparılır.
