Quba-Xaçmaz Regional Təhsil İdarəsinin sabiq müdiri Rüfət Hacıyevin barəsində çıxarılan hökmə kassasiya şikayəti verilib.
Pravda.az-ın məlumatına görə, şikayətə Ali Məhkəmədə hakim Teyyub Muxtarovun sədrliyi ilə baxılacaq.
Baş Prokurorluğun məlumatına əsasən, Rüfət Hacıyev 2017-2023-cü illərdə müxtəlif rəhbər vəzifələrdə işləyərkən vəzifə səlahiyyətlərindən sui-istifadə edib. O, təyinatlar, müqavilələrin uzadılması və ümumi himayədarlıq müqabilində 65 min manatdan artıq pul alıb.
Bundan əlavə, onun 20 min manat rüşvətin alınmasına vasitəçilik etdiyi və 175 min manatdan artıq vəsaiti leqallaşdırdığı bildirilir.
Eyni iş üzrə İntiqam Hacıyevə də ittiham irəli sürülüb və barəsində ev dustaqlığı seçilib.
Sumqayıt Ağır Cinayətlər Məhkəməsinin hökmü ilə Rüfət Hacıyev 8 il 6 ay müddətinə azadlıqdan məhrum edilib. Kassasiya şikayətinə yaxın vaxtlarda baxılacaq.
