Siyəzən şəhəri, Mikayıl Müşfiq küçəsində yerləşən ikimərtəbəli mağazada yanğın baş verib.
Shimal.News-un məlumatına görə, yanğın dəftərxana ləvazimatlarının satıldığı mağazada qeydə alınıb. Hadisə yerinə Fövqəladə Hallar Nazirliyinin yanğınsöndürən briqadaları cəlb olunub və alovun söndürülməsi istiqamətində işlər davam etdirilir.
İlkin məlumata görə, yanğına elektrik şəbəkəsində baş vermiş qısaqapanmanın səbəb olduğu ehtimal edilir.
