Şimal bölgəsində müşahidə olunan intensiv yağıntılar ciddi fəsadlar törətməkdə davam edir.
Shimal.News xəbər verir ki, hazırda Siyəzən rayonunda Qalaaltı yolu üzərində yerləşən körpünün sel suları nəticəsində uçduğu bildirilir. Hadisə səbəbindən həmin istiqamətdə nəqliyyatın hərəkəti məhdudlaşıb.
Ümumilikdə bölgə üzrə vəziyyət gərgin olaraq qalır. Qusar rayonunda da güclü sel bir sıra obyektlərə ziyan vurub, elektrik transformatorları sıradan çıxıb, bəzi yaşayış evlərinə su dolub.
Sakinlərə və sürücülərə ehtiyatlı olmaları, zərurət olmadıqca riskli ərazilərə yaxınlaşmamaları tövsiyə olunur.
