Şimal bölgəsində yağıntılı hava şəraiti davam edir, intensiv yağışlar bir sıra ərazilərdə fəsadlara səbəb olub.
Shimal.New xəbər verir ki, bölgənin müxtəlif yaşayış məntəqələrindən sel keçib, bəzi ərazilərdə suyun səviyyəsi xeyli artıb.
Hazırda Bakı–Quba avtomobil yolunun Xaçmaz rayonu ərazisindən keçən hissəsini su basıb. Nəticədə nəqliyyatın hərəkəti çətinləşib, bir sıra avtomobillər nasaz vəziyyətə düşərək yolda qalıb.
Sürücülərə yağışlı hava şəraitində diqqətli olmaları, sürət həddini azaltmaları və mümkün hallarda alternativ yollardan istifadə etmələri tövsiyə olunur.
