Şəkidə sahibsiz küçə itlərinin hücumu nəticəsində 3 nəfər xəsarət alıb.
Belə ki, şəhər sakinləri - 1956-cı il təvəllüdlü Ələddin İsayev və 2016-cı il təvəllüdlü Murad Həsənzadə küçə itinin hücumuna məruz qalaraq müxtəlif bədən xəsarətləri alıblar.
Digər hadisə isə Şəkinin Baş Göynük kəndində qeydə alınıb. Kənd sakini, 1967-ci il təvəllüdlü Nəcibə Məmmədova da sahibsiz küçə itinin hücumu nəticəsində xəsarət alıb.
Hər üç yaralı Şəki Rayon Mərkəzi Xəstəxanasına çatdırılıb. Onlara ilkin tibbi yardım göstərilib, quduzluğa qarşı vaksin vurulub. Müalicələri ambulator şəraitdə davam etdirilir.
