Şəki şəhərində oteldə yanğın baş verib.
Shimal.News-un məlumatına görə, hadisə avqustun 31-i saat 23:00 radələrində M. Şəhriyar küçəsində yerləşən "İSSAM" otelində qeydə alınıb.
İkimərtəbəli otelin birinci mərtəbəsində yerləşən otaqlardan birinin 15 kvadratmetr sahədə yanar konstruksiyaları yanıb.
Yanğın zamanı tüstülənən otaqlardan 5 nəfər yanğınsöndürənlər tərəfindən təhlükəsiz əraziyə təxliyə olunub.
Yanğının söndürülməsi üçün əraziyə Şəki Rayon Dövlət Yanğından Mühafizə Hissəsinin texnikaları və şəxsi heyəti cəlb edilib. Binanın digər hissələri yanğından mühafizə olunub.
Hadisənin başvermə səbəbi araşdırılır.
