Şəkidə iki fərqli ərazidə yük avtomobilləri alışıb. Baş verən yanğınlar taxıl sahələrinə də keçib.
Shimal.News xəbər verir ki, hadisələr bu gün günorta saatlarında rayonun Qozlubulaq və Sarıca kəndlərində qeydə alınıb.
Qozlubulaq kəndində "MAN" markalı yük avtomobilində baş verən yanğın nəticəsində qoşquda olan 4 ton taxılın 1 tonu yanıb. Bundan başqa, alov 20 hektar biçilmiş və 1 hektar biçilməmiş taxıl sahəsini də əhatə edib.
Sarıca kəndində isə daha bir yük avtomobilinin yanar hissələri və 100 kvadratmetr biçilmiş taxıl sahəsi yanıb. Yanğınsöndürənlərin operativ müdaxiləsi nəticəsində qoşqu və onun içərisində olan 24 ton taxıl yanğından mühafizə olunub.
Hər iki yanğın Fövqəladə Hallar Nazirliyinin əməkdaşları tərəfindən söndürülüb və alovun ətraf ərazilərə yayılmasının qarşısı alınıb.
