Şəki rayonunun Baş Zəyzid kəndində fərdi yaşayış evində partlayış qeydə alınınb.
Gecə saat 04:00 radələrində kənd sakini Əhməd Soltanova məxsus, birmərtəbəli, üç otaqdan ibarət yaşayış evinin zirzəmisində partlayış baş verib. Partlayışdan sonra zirzəminin tavan hissəsində yanğın başlayıb,, zirzəminin pəncərə şüşələri sınıb.
Zərbənin gücündən evin yaşayış sahəsində yerləşən pəncərələrin şüşələri də qırılıb, otaqlardakı dolablar aşıb. Hadisə nəticəsində xəsarət alan olmayıb.
Ev sahibinin bildirdiyinə görə, partlayış baş verən zirzəmi hissəsində təbii qaz olmayıb.
Faktla bağlı aidiyyəti qurumlar tərəfindən araşdırma aparılır.
