Qusar rayonunun Samur qəsəbəsi (SDK) ərazisində ölümlə nəticələnən yol-nəqliyyat hadisəsi baş verib.
Shimal.News-un əldə etdiyi məlumata görə, qəza dünən "Samur-Dəvəçi" kanalının yaxınlığında qeydə alınıb.
İlkin məlumata görə, "VOLVO" markalı yük avtomobili idarəetmədən çıxaraq aşıb. Nəticədə 28 yaşlı sürücü aldığı xəsarətlərdən hadisə yerində həyatını itirib.
Yük avtomobilində daşınan badımcanlar qəza zamanı kanalın kənarına və suya səpələnib. Bu vəziyyət bir gədər aralıda su kanalının ətrafında yaşayan sakinlərin diqqətini cəlb edib.
Hadisənin başvermə səbəbləri araşdırılır.
