Şamaxıda baş verən yol-nəqliyyat hadisəsi ilə bağlı yeni məlumat açıqlanıb.
TƏBİB-dən Shimal.News-a bildirilib ki, qəza nəticəsində xəsarət alan 3 nəfər kişi 6 avqust 2026-cı il tarixində saat 01:00 radələrində Şamaxı Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Həkimlər tərəfindən onlara bədənin müxtəlif nahiyələrinin çoxsaylı travmaları diaqnozu təyin edilib.
Xəsarət alanlardan 2005-ci il təvəllüdlü bir nəfərin müalicəsi hazırda Reanimasiya şöbəsində davam etdirilir. Onun vəziyyəti orta ağır qiymətləndirilir.
2005-ci il təvəllüdlü digər iki nəfər isə ixtisaslaşdırılmış tibbi yardım göstərilməsi məqsədilə Səhiyyə Nazirliyinin Elmi-Tədqiqat Travmatologiya və Ortopediya İnstitutuna təxliyə olunublar.
Qeyd edək ki, qəza Şamaxı şəhərinin Cəlil Məmmədquluzadə küçəsində baş verib. İlkin məlumata görə, minik avtomobili idarəetmədən çıxaraq yol kənarındakı daş hasara çırpılıb. Faktla bağlı araşdırma aparılır.
9:50
Şamaxıda yol-nəqliyyat hadisəsi baş verib.
Qəza şəhərin Cəlil Məmmədquluzadə küçəsində qeydə alınıb.
İlkin məlumata görə, hərəkətdə olan minik avtomobili sürücünün idarəetməsindən çıxaraq yol kənarındakı daş hasara çırpılıb.
Qəza nəticəsində 3 nəfər müxtəlif dərəcəli bədən xəsarətləri alaraq Şamaxı Rayon Mərkəzi Xəstəxanasına çatdırılıb.
Faktla bağlı araşdırma aparılır.
Mənbə: Azərtac
