Şamaxı rayonunda bir neçə gün əvvəl doğulan körpə ölüb.
Lent.az-ın məlumatına görə, rayonun Mərzəndiyyə kənd sakini, 31 yaşlı L.Mikayılova aprelin 11-də uşaq dünyaya gətirib. Lakin körpənin beynində qansızma olduğu müəyyən edilib.
Bildirilib ki, vəziyyəti ağır olan körpə Bakıya xəstəxanaya aparılıb, lakin həkimlərin səylərinə baxmayaraq, aprelin 16-da vəfat edib.
Faktla bağlı araşdırma aparılır.
