Qusarda təhlükəsizlik kameraları 38-BX-530 dövlət qeydiyyat nişanlı "VAZ-2106" markalı avtomobilin yol hərəkəti qaydalarını davamlı şəkildə pozduğunu qeydə alıblar.
Shimal.News xəbər verir ki, Qusar Rayon Polis İdarəsi Dövlət Yol Polisi Bölməsinin əməkdaşları tədbir keçiriblər.
Nəticədə sürücü - 28 yaşlı Tural Qasımov saxlanılıb. Araşdırma zamanı həmin şəxs avtoxuliqanlıq edən zaman narkotik vasitə və spirtli içkinin təsiri altında olduğu müəyyən edlib.
Tural Qasımovun barəsində protokol tərtib edilərək məhkəməyə göndərilib. Məhkəmənin qərarı ilə həmin şəxs 2 il müddətində sürücülük hüququndan məhrum edilib. Eləcə də o, 1 ay inzibati qaydada həbs edilib.
