Qusar rayonunda 28 yaşlı gənc həmyerlisinə xəsarət yetirib.
Demokrat.az-ın məlumatına görə, hadisə ötən ilin 13 oktyabr tarixində rayonun kəndlərindən birində baş verib.
1998-ci il təvəllüdlü Aqil həmin gün saat 23:30 radələrində aralarında yaranmış mübahisə zamanı 1992-ci il təvəllüdlü Zaura (adlar şərtidir) yumruq və təpik zərbələri vurub.
Aqil barəsində Cinayət Məcəlləsinin 128-ci maddəsi (qəsdən sağlamlığa zərər vurma) ilə ittiham irəli sürülüb. O, ifadəsində özünü təqsirli bildiyini deyib.
Təqsirləndirilən şəxs bildirib ki, hadisə günü gecə saatlarında yaşadığı kənddə küçədə olarkən Zaur sərxoş vəziyyətdə ona yaxınlaşaraq siqaret istəyib. Siqaret vermədiyinə görə aralarında mübahisə yaranıb. Mübahisə zamanı Zauru itələyərək yıxdığını deyən Aqil sonradan əməlindən peşman olduğunu və zərərçəkənlə barışdığını qeyd edib.
Məhkəmədə müəyyən olunub ki, tərəflər arasında barışıq əldə edilib və zərərçəkən şəxsin şikayəti yoxdur.
Qusar Rayon Məhkəməsinin hökmü ilə Cinayət Məcəlləsinin 73.2-ci maddəsinə əsasən Aqil barəsində olan cinayət təqibinə xitam verilib və o, cinayət məsuliyyətindən azad edilib.
