Qusar rayonunun Minəxur kəndində ər-arvad arasında yaranan mübahisə cinayət hadisəsi ilə nəticələnib. Məlumata görə, 1963-cü il təvəllüdlü Bəhlul (adlar şərtidir) spirtli içki qəbul etdikdən sonra qeyri-rəsmi nikahda yaşadığı Aidə ilə mübahisə edib və ona fiziki zor tətbiq edərək qol nahiyəsindən xəsarət yetirib.
Shimal.News məlumat verir ki, faktla bağlı Bəhlul Cinayət Məcəlləsinin 128-ci maddəsi ilə ittiham olunub və özünü təqsirli bilib. Zərərçəkmiş qadın bildirib ki, təqsirləndirilən şəxs mütəmadi olaraq spirtli içki qəbul edir və ailədə münaqişə yaradır.
Qusar Rayon Məhkəməsinin hökmü ilə Bəhlul 4 ay müddətinə azadlıqdan məhrum edilib və cəzasını ümumi rejimli cəzaçəkmə müəssisəsində çəkəcək.
Digər epizod üzrə isə tərəflərin barışdığı və zərərçəkmişin şikayətinin olmadığı bildirilib.
