Qusar rayonunda yağan leysan xarakterli yağışlar ciddi fəsadlara səbəb olub.
Shimal.News xəbər verir ki, rayonun Yasab kəndi ərazisində martın 28-də baş vermiş torpaq sürüşməsi daha da genişlənərək əsas avtomobil yolunun tamamilə çökməsinə gətirib çıxarıb. Nəticədə 21 kəndin rayon mərkəzi ilə nəqliyyat əlaqəsi kəsilib.
Sakinlərin sözlərinə görə, əvvəlki sürüşmədən sonra ərazidə lazımi möhkəmləndirmə və bərpa işləri aparılmayıb. Bu gün isə torpaq qatının altında yerləşən suötürücü boruların təzyiqə tab gətirməməsi vəziyyəti daha da ağırlaşdırıb və yol tamamilə yararsız hala düşüb.
Hadisə zamanı xəsarət alan olmasa da, əraziyə ciddi ziyan dəyib və nəqliyyatın hərəkəti tam dayandırılıb.
