İsmayıllı rayonunun Zərnava kənd sakini, 1999-cu il təvəllüdlü F.G. adlı şəxs qumar saytlarının birindən 2 min manat qazanıb.
Qanarinfo.az-ın məlumatına görə, həmin şəxs barəsində İnzibati Xətalar Məcəlləsinin 525-ci maddəsi ilə inzibati protokol tərtib olunub və işə məhkəmədə baxılıb.
Araşdırma zamanı məlum olub ki, o, onlayn qumar saytına daxil olaraq kazino oyunları oynayıb və 6 ay ərzində 2 min manata yaxın məbləğ udub.
F.G. məhkəmədə bildirib ki, nə qədər pul uduzduğunu dəqiq xatırlamır. Onun sözlərinə görə, uduzduğu məbləğ qazandığından daha çox olub. O, həmçinin qeyd edib ki, tətbiq edilən cəriməni ödəmək imkanında deyil.
Məhkəmənin qərarı ilə həmin şəxs 3 000 manat məbləğində inzibati cərimə olunub.
