Quba rayonunun Xucbala kəndində qadın dəm qazından boğularaq ölüb.
Shimal.News xəbər verir ki, hamam otağında dəm qazından zəhərlənərək vəfat edən qadın həmin kəndin məktəbində müəllimə işləyən 44 yaşlı Aytən Baxışovadır.
İbtidai sinif müəllimi Aytən Nəriman qızı Baxışova 5 fevral 1982-ci ildə Quba rayonunun Zərdabi kəndində anadan olub.
1988-ci ildə Zərdabi kənd tam orta məktəbinin 1-ci sinfinə daxil olub, 1997-ci ildə həmin məktəbin 9-cu sinfini bitirib.
O, 1997-ci ildə M.Ə.Sabir adına Pedaqoji Texnikumunun Qusar filialında "İbtidai təhsilin pedaqogikası və metodikası" ixtisası üzrə təhsil alıb, 2001-ci ildə həmin təhsil müəssisəsini uğurla bitirib.
