Rusiya paytaxtı Moskva növbəti dəfə pilotsuz uçuş aparatlarının (PUA) hücumuna məruz qalıb.
Shimal.News xəbər verir ki, bu barədə Rusiya mediası və "Telegram" kanallarında məlumatlar yayılıb.
Bu gün səhər Moskva şəhəri və vilayətinə edilən hücum zamanı zərər görən obyektlərdən biri də paytaxtın ən iri ticarət mərkəzlərindən sayılan "Sadovod" olub.
Bildirilir ki, hava hücumundan müdafiə və elektron mübarizə sistemlərinin fəaliyyəti nəticəsində PUA qalıqları ticarət mərkəzinin ərazisinə düşüb və burada yanğın baş verib. Hadisə ilə bağlı videogörüntülər sosial şəbəkələrdə yayılıb.
Mediada yer alan məlumatlara əsasən, "Sadovod" ticarət mərkəzi əslən Azərbaycanın Quba rayonundan olan iş adamları Qod Nisanov və Zarah İliyevin, həmçinin İlham Rəhimovun biznes maraqları ilə əlaqələndirilir.
