Quba rayonunun Güləzi kəndindən olan dörd dostun istirahəti faciə ilə nəticələnib.
Shimal.News xəbər verir ki, gənclər işləmək üçün Sumqayıt şəhərinə gediblər. İstirahət günü onlar dənizdə çimərkən batma təhlükəsi ilə üzləşiblər.
Fövqəladə Hallar Nazirliyinin əməkdaşları 2001-ci il təvəllüdlü Məhəbbət Fətəliyev, 2000-ci il təvəllüdlü Sahil Mustafayev və 2001-ci il təvəllüdlü Elbrus Cəlalovu xilas etməyə müvəffəq olublar.
Lakin 2005-ci il təvəllüdlü Niyaz Pirməmmədovun həyatını xilas etmək mümkün olmayıb. Gənc suda boğularaq dünyasını dəyişib.
Niyaz Pirməmmədovun nəşi ötən gecə doğulduğu Quba rayonuna gətirilib və bu gün doğma kəndində torpağa tapşırılıb.
Bildirilib ki, o, ailənin yeganə oğul övladı olub və üç bacının bir qardaşı idi.
Faktla bağlı araşdırma aparılır.
