Quba-Xaçmaz yolunda baş verən və bir nəfərin ölümü ilə nəticələnən qəza ilə bağlı görüntülər və detallar ortaya çıxıb.
Shimal.News xəbər verir ki, sentyabrın 6-da Quba rayonunun Barlı kəndi ərazisində baş verən qəza zamanı "Mercedes" markalı avtomobil ağaca çırılaraq aşıb.
Hadisə nəticəsində avtomobildə olan 26 yaşlı Sənan Samir oğlu Ramazanov həyatını itirib. Sürücü və digər sərnişin isə müxtəlif dərəcəli xəsarətlər alıblar.
Sosial şəbəkələrdə qəzaya aid görüntülər yayılıb. İddialara görə, qəzaya avtomobilin texniki nasazlığı səbəb olub. Həyatını itirən sərnişin Sənan Ramazanovun isə üç övladı var.
İlkin məlumata görə, Quba rayon sakini, 24 yaşlı Seyfəlmülk Eldarovun idarə etdiyi "Mercedes" hərəkətdə olarkən idarəetmədən çıxaraq yol kənarındakı ağaca çırılıb və aşıb.
Qəza zamanı sürücü və 26 yaşlı Roman Ramazanov xəsarət alıb. Onlar Quba Rayon Mərkəzi Xəstəxanasına çatdırılıblar. Sənan Ramazanov isə aldığı xəsarətlərdən hadisə yerində vəfat edib.
