Quba rayonu ərazisində baş verən yol-nəqliyyat hadisəsi nəticəsində xəsarət alan şəxslərin vəziyyəti məlum olub.
Apa.az-ın məlumatına görə, hadisə aprelin 20-də Quba-Dəlləkli kənd yolunda qeydə alınıb. "Chevrolet" markalı avtomobil idarəetməni itirərək yol kənarındakı ağaca çırpılıb.
Qəza nəticəsində 4 nəfər kişi Quba Rayon Mərkəzi Xəstəxanasının Təcili tibbi yardım şöbəsinə hospitalizasiya edilib.
Zərərçəkənlərə bazu sümüyünün sınığı, bədənin müxtəlif nahiyələrinin sınıqları, qapalı kəllə-beyin travması, başın tüklü hissəsinin sıyrılmış yarası və döş qəfəsinin küt travması diaqnozları qoyulub, zəruri tibbi yardım göstərilib.
1965-ci il təvəllüdlü şəxsin müalicəsi Təcili tibbi yardım şöbəsində davam etdirilir. 1980 və 1983-cü il təvəllüdlü şəxslər Travmatologiya şöbəsinə yerləşdirilib, onların vəziyyəti orta ağır qiymətləndirilir.
1985-ci il təvəllüdlü digər zərərçəkənin vəziyyəti ağırdır və onun müalicəsi Reanimasiya şöbəsində davam etdirilir.
