Quba rayonunda 47 yaşlı kişi həmkəndlisinə xəsarət yetirib.
Demokrat.az-ın məlumatına görə, hadisə ötən ilin noyabrın 26-da rayonun Birinci Nügədi kəndində baş verib.
1979-cu il təvəllüdlü Adil yaşadığı evin qarşısında aralarında yaranan mübahisə zamanı Zamiqi (adlar şərtidir) daşla vuraraq ona xəsarət yetirib.
Ədavətə səbəb iki il əvvəl Zamiqin Adilin nömrəsini tanımadığı bir qadına verməsi olub. Hər iki şəxs bir-birinə qarşı nalayiq ifadələr işlədib və hadisə dava ilə nəticələnib.
Zərərçəkmiş və təqsirləndirilən şəxs ifadələrində qarşılıqlı olaraq bir-birlərini əvvəlcə yumruqla vurduqlarını, daha sonra isə daşdan istifadə olunduğunu qeyd ediblər.
Quba Rayon Məhkəməsinin qərarı ilə amnistiya tətbiq edilib və təqsirləndirilən şəxs cinayət məsuliyyətindən azad olunub.
