Quba rayonunda ər-arvad arasında baş verən mübahisə cinayətlə nəticələnib.
1970-ci il təvəllüdlü Cabbar (ad şərtidir) yaşadığı evdə həyat yoldaşı Samirə (ad şərtidir) ilə qısqanclıq zəminində mübahisə edib. Mübahisə zamanı o, əlində olan taxta parçası və yumruqla qadına xəsarət yetirib.
Faktla bağlı Cabbara Cinayət Məcəlləsinin 127.1-ci maddəsi ilə ittiham elan edilib.
Təqsirləndirilən şəxs ifadəsində bildirib ki, son vaxtlar həyat yoldaşının başqa şəxslə telefonla danışdığından şübhələndiyi üçün aralarında tez-tez mübahisələr yaranırdı. Hadisə günü də eyni səbəbdən mübahisə baş verib və o, həyat yoldaşını vurduğunu etiraf edib.
Zərərçəkmiş Samirə də ifadəsində qısqanclıq zəminində mübahisə yarandığını təsdiqləyib. O bildirib ki, hadisədən sonra qızına zəng edərək polisə məlumat verməsini xahiş edib.
Quba Rayon Məhkəməsinin hökmü ilə tərəflər barışdığı üçün Cabbar cinayət məsuliyyətindən azad edilib, iş üzrə icraata xitam verilib.
