Quba şəhərində 63 yaşlı kişi nəvəsinə xəsarət yetirib.
Teleqraf.az-ın məlumatına görə, hadisə bu ilin yanvarında baş verib. 1963-cü il təvəllüdlü Kərəm yaşadıqları evdə şəxsi münasibətlər zəminində yaranan mübahisə zamanı nəvəsi Oğuzu (ad şərtidir) vuraraq ona xəsarət yetirib.
Təqsirləndirilən şəxs ifadəsində bildirib ki, nəvəsi onu əsəbiləşdirdiyi üçün bir dəfə yumruqla vurub. Onun sözlərinə görə, barmağında üzük olduğu üçün zərbə nəticəsində uşağın əli yaralanıb.
Zərərçəkmiş qeyd edib ki, hadisə zamanı evdə olub və aldığı xəsarəti bir neçə gün gizlədib. Daha sonra anası yarasını görərək hadisədən xəbər tutub.
Quba Rayon Məhkəməsinin hökmü ilə Kərəm aylıq qazancından 10 faiz dövlət nəfinə tutulmaqla 6 ay müddətinə islah işləri cəzasına məhkum edilib.
