Quba şəhərində saat 12:00 radələrində yol-nəqliyyat hadisəsi baş verib. Xəsarət alan var.
Shimal.News-un əldə etdiyi məlumata görə, hadisə şəhərin Heydər Əliyev prospektində qeydə alınıb.
Şahidlərin sözlərinə görə, "Quba Meydanı" parkının yaxınlığında təxminən 70 yaşı olan kişi yolu keçmək istəyərkən avtomobil onu vurub.
Hadisə nəticəsində xəsarət alan piyada dərhal xəstəxanaya çatdırılıb. Onun vəziyyəti ilə bağlı hələlik rəsmi məlumat verilməyib.
Faktla bağlı araşdırma aparılır.
