Quba rayonunda ölümlə nəticələnən ağır yol-nəqliyyat hadisəsinin bəzi detalları məlum olub.
Shimal.News xəbər verir ki, qəza iyulun 27-də saat 15:00 radələrində Quba–Qusar avtomobil yolunda qeydə alınıb.
Məlumata görə, "Mercedes" markalı minik avtomobili "Shachman" markalı yük maşını ilə toqquşub.
Hadisə nəticəsində "Mercedes"in sürücüsü, Quba şəhər sakini, 30 yaşlı Adil Qasımov aldığı xəsarətlərdən hadisə yerində həyatını itirib.
Əldə olunan məlumata görə, Adil Qasımov Quba şəhərində, 5 mərtəbəli yaşayış binasında fəaliyyət göstərən "Azercell" mağazasında çalışırdı. Bildirilir ki, idarə etdiyi avtomobili də yaxın vaxtlarda almışdı.
