Quba rayonunda bıçaqlanma hadisəsi qeydə alınıb.
Shimal.News xəbər verir ki, I Nügədi kənd sakini, 35 yaşlı Kamran Fərhad oğlu Niftəliyev ayaq nahiyəsindən bıçaqlanıb.
Yaralı Quba Rayon Mərkəzi Xəstəxanasına çatdırılıb və cərrahi əməliyyata götürülüb. Tibb müəssisəsindən verilən məlumata görə, ona sağ budun kəsilmiş-deşilmiş yarası və hipovolemik şok diaqnozu qoyulub, zəruri tibbi yardım göstərilib.
Hazırda vəziyyəti ağır qiymətləndirilən pasiyentin müalicəsi Reanimasiya şöbəsində davam etdirilir.
Faktla bağlı araşdırma aparılır.
