Quba–Bakı marşrutu üzrə hərəkət edən sərnişin avtobusu velosipedçini vurub.
Shimal.News-a daxil olan məlumata görə, hadisə Bakı–Quba–Rusiya Federasiyası dövlət sərhədi avtomobil yolunda qeydə alınıb. Rəcab Mikayılovun idarə etdiyi "Isuzu" markalı sərnişin avtobusu 53 yaşlı Quba rayon sakini Teymur Əmrahovu vurub.
Xəsarət alan şəxs Quba Rayon Mərkəzi Xəstəxanasına yerləşdirilib. Ona sol körpücük sümüyünün sınığı diaqnozu qoyulub və zəruri tibbi yardım göstərilib. Müalicəsi Travmatologiya şöbəsində davam etdirilir, vəziyyəti orta ağır qiymətləndirilir.
Faktla bağlı araşdırma aparılır.
