Bakı-Şamaxı avtomobil yolunda tanınmış jurnalist Əflatun Amaşovun idarə etdiyi avtomobil qəzaya düşüb.
Shimal.News xəbər verir ki, hadisə dünən baş verib. "Toyota" markalı avtomobilin aşması nəticəsində sürücü və sərnişin xəsarət alıblar.
Hadisə ilə bağlı Əflatun Amaşovun oğlu Orxan Amaşov bildirib ki, hazırda atasının vəziyyəti yaxşıdır: "Atamın səhhəti yaxşıdır, narahatlığa əsas yoxdur. Ona xəstəxanada lazımi tibbi yardım göstərilib".
Qeyd edək ki, Əflatun Amaşov uzun illər Azərbaycan Mətbuat Şurasının sədri və Milli Məclisin deputatı olub, hazırda "Xalq qəzeti"nin baş redaktoru kimi fəaliyyət göstərir.
