Quba rayonunun Qəçrəş kəndində gecə saatlarında yanğın hadisəsi baş verib.
Shimal.News-un əldə etdiyi məlumata görə, Z.Hacıyevə məxsus yaşayış evi yanıb.
Hadisə yerinə Fövqəladə Hallar Nazirliyinin Yanğından Mühafizə Xidmətinin yanğınsöndürən texnikası və şəxsi heyəti cəlb olunub. Yanğın söndürülərək ətraf ərazilərə keçməsinin qarşısı alınıb.
İlkin məlumata əsasən, ev sahibinin hadisə zamanı binanın içində tək olduğu bildirilir. Onun qonşular tərəfindən evdən çıxarıldığı qeyd olunur.
Məsələ ilə bağlı iddialar səsləndirilir. Yanğının ev sahibi tərəfindən törədildiyi ehtimal olunur. Faktla bağlı aidiyyəti qurumlar tərəfindən araşdırma aparılır.
Qeyd edək ki, Z.Hacıyev ailəlidir, iki övladı var.
