Bərdə rayonundan Qəbələyə istirahətə gələn 29 yaşlı şəxs marketdən oğurluq edib.
Teleqraf.az-ın məlumatına görə, 1997-ci il təvəllüdlü Tural Nəcəfov (ad, soyad şərtidir) Qəbələ şəhərində yerləşən marketlərdən birinə daxil olaraq müxtəlif ərzaq və içkilər götürüb. O, kassada məhsulları hesablatsa da, ödəniş etmədən mağazanı tərk edib.
Bundan əlavə, o, satıcının diqqətindən yayınaraq siqaret və spirtli içkilər də oğurlayıb.
Məlumata görə, həmin şəxs daha sonra polis şöbəsinə aparılarkən inzibati binanın qarşısında səs-küy salaraq ictimai qaydanı da pozub.
Tural Nəcəfov barəsində İnzibati Xətalar Məcəlləsinin müvafiq maddələri ilə protokol tərtib olunub.
Məhkəmənin qərarı ilə onun barəsində inzibati iş üzrə icraata xitam verilib və o, məsuliyyətdən azad olunub.
