Qəbələ rayonunda piyadanın ölümü ilə nəticələnən yol-nəqliyyat hadisəsi qeydə alınıb.
Shimal.News xəbər verir ki, martın 23-də saat 20:00 radələrində Hamlet Yolçuyevin idarə etdiyi "KIA" markalı avtomobil yolu keçmək istəyən 71 yaşlı Samaya Hüseynovanı vurub.
Qəza nəticəsində piyada aldığı ağır xəsarətlərdən hadisə yerində həyatını itirib.
Daxili İşlər Nazirliyinin Mətbuat xidmətinin regional qrupundan bildirilib ki, faktla bağlı Qəbələ Rayon Polis Şöbəsində cinayət işi başlanılıb, istintaq aparılır.
