Qəbələ rayonunun Uludaş kəndində yerləşən məktəb binasında yanğın hadisəsi qeydə alınıb.
Shimal.News xəbər verir ki, hadisə ötən gün axşam saatlarında Qafur Şərifov adına tam orta məktəbdə baş verib. Yanğın yerinə dərhal yanğınsöndürənlər cəlb olunub. Nəticədə məktəb binası tamamilə yanaraq yararsız vəziyyətə düşüb.
Şəki-Zaqatala Regional Təhsil İdarəsindən verilən məlumata görə, iyunun 21-i gecə saatlarında Qəbələ rayonu Uludaş kənd tam orta ümumtəhsil məktəbində yanğın baş verib.
Bildirilib ki, hadisə yerinə Fövqəladə Hallar Nazirliyinin yanğınsöndürən briqadaları və canlı qüvvəsi cəlb olunaraq yanğın söndürülüb. Hadisə nəticəsində xəsarət alan olmayıb.
Hadisənin görüntüləri Qəbələ TV tərəfindən paylaşılıb.
