Qaxın Süskənd kəndi ərazisində qəza qeydə alınıb.
Shimal.News xəbər verir ki, hadisə səhər saatlarında Qax-Zaqatala avtomobil yolunda baş verib.
Bakı şəhər sakini, 41 yaşlı İradə İsmayılova idarə etdiyi "BMW" markalı avtomobillə hərəkətdə olarkən idarəetməni itirib. Nəticədə avtomobil yol kənarındakı ağaca çırpılıb.
Qəza zamanı sürücü avtomobildə sıxılmış vəziyyətdə qalıb. FHN-in Zaqatala rayon Dövlət Yanğından Mühafizə Hissəsinin yanğınsöndürən-xilasediciləri İ. İsmayılovanı avtomobildən çıxararaq hadisə yerinə çağırılan həkim briqadasına təhvil veriblər.
Yaralı Qax Rayon Mərkəzi Xəstəxanasının Təcili Tibbi Yardım şöbəsinə yerləşdirilib.
Faktla bağlı araşdırma aparılır.
