Qax rayonunda yol-nəqliyyat hadisəsi baş verib.
Shimal.News-a daxil olan məlumata görə, hadisə iyulun 22-də səhər saat 12 radələrində Qorağan-Qax avtomobil yolunun Əmircan kəndi ərazisindən keçən hissəsində qeydə alınıb.
İlkin məlumata görə, "Mercedes" və "Mitsubishi Lancer" markalı avtomobillər toqquşub. Qəzanın təsirindən "Mitsubishi Lancer" yoldan çıxaraq ağaca çırpılıb, hər iki avtomobilə ciddi ziyan dəyib.
Hadisə zamanı "Mercedes" markalı avtomobildə olan ailə üzvlərinin - ana, ata, və 9 aylıq körpənin vəziyyətinin qənaətbəxş olduğu, onların ciddi xəsarət almadığı bildirilir.
Faktla bağlı araşdırma aparılır.
