Qax rayonunda 47 yaşlı qadını ilan sancıb.
Shimal.News-un məlumatına görə, hadisə rayonun Ağyazı kəndində baş verib.
Belə ki, kənd sakini, 1979-cu il təvəllüdlü Mariya Ramazanova yaşadığı evin həyətyanı sahəsində bostanda işləyərkən ilan qəfil onun sol əlinin orta barmağını sancıb.
M. Ramazanova dərhal Qax Rayon Mərkəzi Xəstəxanasına çatdırılıb. Ona ilkin tibbi yardım göstərilib, ilan zəhərinə qarşı zərdab vurulub.
Hazırda qadının müalicəsi xəstəxananın Reanimasiya şöbəsində davam etdirilir.
