Balakən Gömrük İdarəsinin əməkdaşları tərəfindən həyata keçirilən nəzarət tədbirləri zamanı xüsusilə külli miqdarda qadağan olunmuş maddə qanunsuz dövriyyədən çıxarılıb.
Shimal.News xəbər verir ki, hadisə "Mazımqara" gömrük postunda qeydə alınıb.
Belə ki, İran İslam Respublikasından Gürcüstan istiqamətinə "qarpız" yükü aparan yük avtomobili stasionar rentgen qurğusunda yoxlanılıb. Baxış zamanı yükdə şübhəli cizgilər müşahidə olunduğundan nəqliyyat vasitəsi əsaslı yoxlamaya cəlb edilib.
Kinoloji xidmət itinin tətbiqi ilə aparılan yoxlama zamanı "qarpız" qutularının alt hissəsində xüsusi üsullarla gizlədilmiş bağlamalar aşkarlanıb.
Yoxlama nəticəsində ümumi çəkisi 110 kiloqram 300 qram olan xüsusilə külli miqdarda qadağan olunmuş bitki tərkibli maddə aşkar edilərək götürülüb.
Faktla bağlı araşdırma aparılır.
